تراخيص SAP
من المعروف ان التعامل مع الامور المحسوسة اسهل بكثير من الامور الغير محسوسة او مشاهدة ...
مثلا اذا ذهبت لشراء جهاز تلفزيون ، فان الموضوع بالنسبة لك واضح ...
المواصقات واضحه والجهاز تقدر تشوفه وتتفحصه زين ، والسعر مكتوب على الجهاز ...
اما اذا قررت شراء احد الانظمة فان الموضوع اصعب من كذا ...
كلنا عارفين انه فيه تكلفة اولية لشراء النظام وتشمل التراخيص وشراء الاجهزة وتثبيت النظام واعداده ...الخ
وتكلفه تشغيليه للنظام وتشمل : التحديث ، الصيانه ، التدريب ...الخ
لكن اذا تكلمنا بشيء من التفصيل عن تكاليف التراخيص ،
يعني كم تدفع حتى يكون عندك نظام مسموح لك تنزيله على اجهزتك واعداده ...
لو اخذنا الساب كمثال بنشوف ان موضوع التراخيص معقد نسبيا ... كيف؟
بيسألونك عدة اسئلة ، من ضمنها :
- نوع التطبيقات Modules اللي انت ناوي تنزلها على اجهزتك ؟
- عدد المستخدمين ؟ ( هذي مفهومة )
-نوع المستخدمين ( هذي سالفه ثانية )
باختصار هم مقسمين المستخدمين الى عدة مجموعات حسب استخدامهم للنظام ، فيه مستخدم يعتبرونه
Professional User
وفيه واحد ثاني
Developer
وفيه نوع ثالث يعتبرونه
SAP Employee وهذا ارخصهم لانه المفروض يدخل الى تطبيقات محدودة جدا
- ESS/MSS فقط -
طبعا كل نوع له سعر مختلف عن الاخر
- السؤال الثالث : يتعلق بقاعدة البيانات
الساب تعطيك الحرية تختار اي قاعدة بيانات تحب تستخدمها سواء
oracle , SQL Server ..etc
لو حبيت تروح مع مايكروسوف مثلا ...
الساب تقول لك : هل تحب انك تتعاقد معنا وحنا بالمقابل نتفاهم مع مايكروسوفت ؟
في هذي الحاله يعتبرون عقدك الخاص بقاعدة البيانات Runtime ...
وفيها شرط انك ما تستخدم قاعدة البيانات هذي لاي غرض اخر غير الساب
اما اذا حبيت انك انت تتفاهم مع مايكروسوفت مباشرة ، فان العقد يعتبر interface ..
الموضوع فيه تفاصيل اكثر من كذا ...
تعليقات
إرسال تعليق