طريقة لتعلم نظام الساب SAP

كثير من الناس كانوا يواجهون صعوبة في تعلم الساب ...خاصة اللي يحاول ينتقل من مجاله الحالي الى مجال الساب ..

وين الصعوبة ؟

الصعوبة موجودة في التكاليف المرتفعه للتدريب ( التدريب الكامل على احد الموديولز تصل تكلفته الى 16000 دولار في السابق )

بالاضافه الى انه بعد انتهاء التدريب ما يكون عندك سستم تتعلم وتتدرب عليه ..

هل زالت هذي الصعوبات ؟

ما راح اقول زالت ، لكن ابقول قلت الصعوبات بشكل كبير ..
خلونا نقسم التعلم الى جانب نظري وعملي ..

كيف اتعلم الجانب النظري ؟ 

فيه اكثر من طريقة ، فيه ناس تقول لك اقرا كتب وعلم نفسك بنفسك .. اذا اسلوب القراء ينفع معاك ، عندك موقع مثل :

https://www.sap-press.com 

فيه افضل الكتب ( من وجهة نظري طبعا ) عن الساب اللي ممكن تلقاها ، وفيه نظام اشتراك شهري ( على الاقل موجود وقت كتابة هالتدوينة )

اما اذا انت تحب التعليم التفاعلي ،

 يعني تشوف مقاطع فيديو وتطبق على تمارين بسيطه فأنا انصحك بالاشتراك في
SAP Learning Hub
لمدة سنة كاملة , وتحصل على مواد تعليمية ( فيديوات ، مستندات ...الخ) عن اي مجال من مجالات الساب بسعر يتراوح من 300 الى 3300 دولار ..

عندهم اصدارين : 

الاصدار الاول :

HUB040

SAP Learning Hub, Business Edition, Public Cloud Version

مخصص لمستخدمي الساب في اي موديول ، ليس للمستشارين

وسعره 305 دولار بالسنه ..

 هذا الرابط

https://training.sap.com/course/hub040-sap-learning-hub-business-edition-public-cloud-version-learninghub-010-sa-en/ 

الاصدار الثاني :

HUB030

SAP Learning Hub, professional edition

مخصص لمن يرد ان يكون متخصص ومستشار بالساب ، في اي موديول

سعره 3,340 دولار ، هذا الرابط

https://training.sap.com/course/HUB030/ 

الجانب العملي :

طيب اذا انت عندك المواد التعليمية ،

 وتتمنى يكون عندك سستم تتدرب عليه وتطبق عليه اللي تعلمته ...ايش الحل؟

الحل كالتالي : 

فيه مواقع على النت تقدم لك هالخدمة ، عندها سستم للتدريب ، تعطيك اسم مستخدم وكلمة مرور مقابل مبلغ شهري .

 المبالغ تختلف من موقع الى موقع .. تقدر تبحث بنفسك وتشوف انسب شي لك ...

كل اللي عليك تسويه هو انك تبحث بقوقل عن :

SAP IDES ACCESS

حتى ارسم لك الصورة بكل وضوح ، مافي شيء بالدنيا مافيه سلبيات او مخاطر ...

 مثلا ممكن تدفع على اشتراك  السستم التدريبي 40 دولار ويعطونك اسم مستخدم لكن تكتشف ان البيانات او الماستر داتا الموجودة فيها نقص او يصعب التدرب عليها شوي...

 اذا انت عندك القدرة انك تكتشف وتتعلم فان امورك تمام , و هذا قد يكون من احد اهم الاستثمارات اللي تعملها في حياتك المهنية .

اذا تبي تعرف تجربتي الشخصية فانا مشترك في هذا الموقع : 

https://www.ivobe.com/sap-ides/sap-erp-ides-access-shared-w-training/

..الله يوفقكم جميعا ..